У нядзелю ў спартыўнай зале другой смілавіцкай школы стартаваў першы чэмпіянат раёна па валейболу на прызы газеты «Раённы веснік».
Удзел у ім бяруць каманды «Беларусбанк», «Смілавічы», зборнай школ Смілавічаў і эксперыментальнай базы «Натальеўск».
Паводле рэгламенту спаборніцтваў, якія ладзяцца па ініцыятыве аматараў валейболу пры падтрымцы нашай газеты і аддзела фізічнай культуры, спорту і турызму райвыканкама, на першым і другім этапах (другі адбудзецца ў Запольскай школе) каманды гуляюць паміж сабой па кругавой сістэме.
Па выніках гэтых матчаў на заключным этапе мяркуецца правесці два паўфіналы (першае з чацвёртым, трэцяе — з другім месцам), матч за 3-месца і фінал. Каманда-пераможца будзе ўзнагароджана пераходным кубкам газеты «Раённы веснік», лепшыя валейбалісты атрымаюць прызы.
Першы этап чэмпіянату прынёс наступныя вынікі:
«Беларусбанк» — «Натальеўск» — 2:1 (20:12, 14:20, 15:11), зборная школ Смілавічаў — «Смілавічы» — 2:0 (20:16, 20:18), «Беларусбанк» — зборная школ Смілавічаў — 2:0 (20:10, 21:19), «Натальеўск» — «Смілавічы» — 2:1 (20:13, 15:20, 15:7), «Натальеўск» — зборная школ Смілавічаў — 0:2 (7:20, 16:20), «Смілавічы» — «Беларусбанк» — 0:2 (10:20, 22:24).
Ігар АДАМОВІЧ. Фота аўтара
На здымку: момант матча «Беларусбанк» — «Натальеўск».
Турнірная табліца чэмпіянату пасля першага этапу:
Каманды В П РС РА А
«Беларусбанк» 3 0 6:1 134-104 6
Зб.школ Смілавічаў 2 1 4:2 109-98 5
«Натальеўск» 1 2 3:5 116-129 4
«Смілавічы» 0 3 1:6 106-134 3