Асноўная барацьба за першынство ў спартакіядзе разгарнулася паміж даўнімі сапернікамі — камандай Турэцкай базавай школы, у якой праходзілі спаборніцтвы, і спартсменамі ААТ «10 з’езд Саветаў».
Перад перацягваннем каната каманда школы мела на сваім рахунку перамогі ў валейбольным турніры, спаборніцтвах па настольнаму тэнісу і дартсу, каманда гаспадаркі — па стральбе і шашках. Паколькі гэты від з’яўляецца галоўным пры вызначэнні абсалютнага пераможцы ў выпадку роўнай колькасці набраных балаў, выйгрыш у перацягванні каната выводзіў бы ААТ «10 з’езд Саветаў» на агульнакаманднае першае месца. Аднак прадстаўнікі школы аказаліся дужэйшымі і прынеслі сваёй камандзе перамогу ў спартакіядзе.
Першыя месцы ў асабістым заліку занялі: Галіна і Аляксандр Калеснікавы (па шашках), Валянціна Цюлюпа (па стральбе) — каманда ААТ «10 з’езд Саветаў», Святлана Карачун і Мікалай Казімерчык (па настольнаму тэнісу), Арцём Салдаценка (па стральбе), Валянціна Уласавец (па дартсу) — каманда школы, а таксама Пётр Гулевіч (па дартсу) — асабіста.
Спаборніцтвы ладзілі раённы фізкультурна-спартыўны клуб і РАС ДТСААФ (стральба).
Ігар АДАМОВІЧ. Фота аўтара.
На здымках:
моманты спаборніцтваў па стральбе і дартсу; каманда Турэцкай школы — пераможца спартакіяды