З дзяцінства ўлюбёны ў музыку, ён вось ужо шмат гадоў не разлучаецца з акардэонам. Спачатку вучыўся іграць самастойна, затым у Чэрвеньскай музычнай школе ў выкладчыка-акардэаніста Леаніда Браніслававіча Баравіка, удасканальваў свае навыкі ў інстытуце культуры. Цяпер сам выкладае музыку вучням Лядзенскай школы, вядзе вакальны гурток у Лядзенскім сельскім Доме культуры, разам з мясцовымі самадзейнымі артыстамі радуе землякоў канцэртнымі праграмамі.
Эма МІКУЛЬСКАЯ. Фота аўтара
