трымалі на гэтым тыдні ўсе сельгаспрадпрыемствы раёна. На ім кіраўнікі і галоўныя спецыялісты гаспадарак яшчэ раз карэкціравалі свае рабочыя планы, звяралі плошчы пад яравую сяўбу і гатоўнасць тэхнікі да яе.
У прыватнасці, дырэктар ААТ «Крыніца Ігуменшчыны» Вячаслаў Насута у сваёй справаздачы запэўніў, што гаспадарка пры добрай арганізацыі працы правядзе сяўбу ранніх зерневых і аднагадовых траў за 8-10 дзён. На тое ёсць усе магчымасці: наяўнасць у дастатковай колькасці якаснага насення, тры энерганасычаныя агрэгаты, якія будуць працаваць у дзве змены, запрошаны 12 механізатараў з іншых арганізацый і прадпрыемстваў. Таму запланаваныя 470 га засеюць у пазначаныя тэрміны і з захаваннем тэхналагічнага працэсу. А ўсяго яравы клін у сельгаспрадпрыемстве складае 2115 га.
Сёлета гаспадарка наважылася звярнуць большую ўвагу на павелічэнне колькасці і паляпшэнне якасці кармоў, ад чаго залежыць узровень вытворчасці жывёлагадоўчай прадукцыі. З гэтай нагоды павялічылі плошчы зернебабовых культур, кукурузы і канюшыны. Такое рашэнне падтрымаў і старшыня райвыканкама Іван Муха, які праводзіў гэтае мерапрыемства разам з начальнікам упраўлення сельскай гаспадаркі і харчавання райвыканкама Іванам Малахавым і спецыялістамі ўпраўлення.
Днямі ў гаспадарцы заканчваюць пераборку бульбы. Сёлета пад яе адведзена 200 гектараў, набыта і насенне гародніны для высеву на 45 гектарах.
Пацвердзілі поўную гатоўнасць да пасяўной таксама кіраўнікі ПСГ «Дамавіцкі» ААТ МТЗ Васіль Братчэня і КСУП «Эксперыментальная база «Натальеўск» Алена Махнач.
А вось ў ААТ «Раванічы» пакуль яшчэ існуюць пэўныя праблемы і з рамонтам тэхнікі, і з наяўнасцю пасяўного матэрыялу, а самае галоўнае — з выкананнем тэхналагічнай і працоўнай дысцыпліны. Таму выконваючы абавязкі кіраўніка гаспадаркі Уладзімір Каток, які нядаўна быў прызначаны на гэтую пасаду, занепакоены становішчам спраў і робіць усё, каб арганізаваць кадры на выніковую працу.
Людміла РАБЕЦКАЯ
