У раённым Цэнтры культуры і адпачынку адбыўся ўрачысты сход актыву раёна па выніках працы за мінулы год. Сюды сабраліся прадстаўнікі працоўных калектываў усіх галін вытворчасці, якія ўнеслі значны ўклад у сацыяльна-эканамічнае развіццё раёна. Іх прозвішчы будуць занесены на раённую Дошку гонару.
Ім — заслужанае прызнанне і павага, удзячнасць і нізкі паклон за добрасумленную працу, прафесійнае майстэрства і адданасць справе. Гэтае свята абагуліць іх лепшы вопыт, натхніць на добры плён, каб Чэрвеньшчына па праву ганарылася сваімі землякамі, іх справамі.
У праграме ўрачыстасці таксама канцэрт мясцовых самадзейных калектываў і выканаўцаў нашага раёна.
Прозвішчы пераможцаў раённага спаборніцтва за мінулы год будуць надрукаваны ў наступным нумары газеты.
Л.ЦІТАЎКА