Нядаўна пярвічная арганізацыя БРСМ нашай школы папоўнілася новымі членамі. 18 вучням 9 класа ўручылі членскія білеты.
Для мяне і маіх аднакласнікаў гэты дзень запомніцца назаўсёды. Яшчэ з раніцы ўсе вельмі хваляваліся, з нецярпеннем чакалі хвалюючага моманту. І вось ен настаў. На сцэну выходзіць першы сакратар раённага камітэта БРСМ Яўгенія Марозава. Яна распавядае пра тое, што быць грамадзянінам сваёй краіны — гэта значыць імкнуцца да выканання свайго абавязку, да подзвігаў і рэкордаў. А каб здзейсніць сваю мару, быць дастойным сынам сваёй Айчыны, трэба са школьных год выхоўваць у сабе працалюбства, авалодваць ведамі, шанаваць сваіх бацькоў, паважаць старэйшых, быць сапраўдным патрыётам сваёй краіны. Яўгенія Юр’еўна павіншавала ўсіх вучняў з уступленнем у рады БРСМ і ўручыла значкі і білеты.
Затаіўшы дыханне, слухалі мы выступленне класнага кіраўніка Людмілы Вацлаваўны Драпеза, якая прыгадала свае камсамольскія гады, працу з камсамольцамі. Вельмі хвалюючым быў яе аповед пра подзвігі камсамольцаў у гады Вялікай Айчыннай вайны, які падмацоўваўся вершамі беларускі паэтаў. З вялікай цікавасцю слухалі мы і пра дзеянні камсамольцаў 80-ых гадоў.
Затым для нас спявалі Надзея Мыцько, Арцём Дзятко і Дзмітрый Маркевіч.
Дзякуючы намесніку дырэктара па выхаваўчай рабоце Святлане Тадэвушаўне Жыгалка і педагогу-арганізатару Галіне Вадзімаўне Шатэрнік, свята атрымалася цудоўнае.
Ганна Маціюнас, вучаніца 9 класа
СШ №2 г.п.Смілавічы