У «Раённым весніку» за 29 кастрычніка мы друкавалі ліст Ніны Грышкінай з Барысава пад назвай «Помогите убрать свалку на кладбище!» У ім жанчына распавядала, што пахаванні яе блізкіх размешчаны ў паўднёва-ўсходнім накірунку ад цэнтральнай сцежкі, якая праходзіць уздоўж чэрвеньскіх могілак. А ў той частцы назбіралася ўжо цэлая гара смецця. Вядома, у першую чаргу вінаваты самі людзі, якія прыводзяць у парадак пахаванні. Толькі цяпер без адпаведнай тэхнікі звалку не прыбярэш… Вось і звярнулася Ніна Грышкіна праз нашу газету да прадстаўнікоў Чэрвеньскага камунгаса з просьбай дапамагчы ў прыбіранні смецця.
Гэты ліст мы накіравалі на рэагаванне дырэктару УП «Чэрвеньская ЖКГ» Ігару НАВІЦКАМУ і атрымалі наступны адказ:
«Пахаванні на могілках па вул.А.Кашавога хаатычныя, праходы паміж агароджамі вузкія, паколькі могілкі існуюць з моманту заснавання горада — з 12-га стагоддзя. Прыбіранне іх ажыццяўляецца пастаянна сіламі работнікаў камунгаса ўручную, паколькі тэхніка на тэрыторыю саміх могілак заехаць не можа. Прыбраць смецце на могілках плануем да 20 лістапада 2011 года».
Постоянную свалку со стороны улицы Красной тоже нет техники у комунхоза убрать?