Пераважная большасць калектыву Чэрвеньскага аўтапарка №20 — вопытныя і адказныя работнікі, якія аддана служаць выбранай справе. Сярод іх Генадзь Іванавіч Карканіца і Пётр Аляксандравіч Марціновіч.
Яшчэ да арміі прыйшоў сюды працаваць Генадзь Іванавіч. Адслужыўшы ў войску, вярнуўся ў родны калектыў, каб ужо больш яго не пакідаць. Цяпер разам з ім у аўтапарку працуе і старэйшы сын Дзмітрый, а малодшы пакуль вучыцца ў Мар»інай Горцы на механіка.
Такі ж працяглы вадзіцельскі стаж і ў Пятра Аляксандравіча Марціновіча — больш як 25 гадоў. І таксама ў аўтапарку №20.
Абодва вадзіцелі працуюць на аўтобусе. Іх штодзённыя маршруты — горад, прыгарад і міжгорад. На новенькім эксперыментальным аўтобусе беларускай вытворчасці бывае Генадзь Іванавіч і за мяжой — возіць чэрвенькіх турыстаў.
Эма МІКУЛЬСКАЯ.
Фота аўтара