Днямі гэтага высокага звання ўдастоена студыя выяўленчага мастацтва “Мой свет” Чэрвеньскай школы мастацтваў. Такое рашэнне прынята калегіяй Міністэрства культуры Рэспублікі Беларусь за дасягнутыя поспехі, высокі мастацкі ўзровень і актыўную выставачную дзейнасць.
Студыю “Мой свет” пад кіраўніцтвам выкладчыка Віталія Уладзіміравіча Чарнаўца наведваюць васемнаццаць юных дараванняў, якія заваёўвалі перамогу ў конкурсах самых розных узроўняў. Чэрвеньцы знаёмы з вучнёўскімі творчымі работамі па выставах, якія пастаянна ладзяцца падчас святаў і ўрачыстасцяў. Апошняя такая была трэцяга ліпеня і прысвячалася вызваленню Беларусі ад фашысцкіх захопнікаў (на здымку).
Як задаволена заўважыў дырэктар Чэрвеньскай школы мастацтваў Васіль Васільевіч Капцелаў, атрыманае ганаровае званне абавязкова дабавіць натхнення юным мастакам і іх выкладчыку, і ўсе мы яшчэ не раз парадуемся іх новым поспехам.
Эма МІКУЛЬСКАЯ.
Фота аўтара