Дзіна Дзігалёва — з мнагадзетнай сям”і. Яе маці працуе настаўнікам фізічнай культуры Раваніцкай школы, бацька выкладае фізічную культуру ў Краснадарскай школе.
Сям’я Дзігалёвых увогуле спартыўная. Сваіх пецярых дзяцей бацькі змалку далучалі да спорту. Дзіна заўсёды была пераможцай спартыўных спартакіяд. Акрамя таго, з малых гадоў прымала актыўны ўдзел у мастацкай самадзейнасці школы і клуба. Асабліва падабаліся танцы. Сваім выступленнем яна заўсёды ўпрыгожвала канцэртныя праграмы. Гэтак жа і цяпер. Прыемная гнуткая постаць Дзіны, зачароўваючая ўсмешка падчас выканання ўсходніх танцаў выклікаюць у гледачоў замілаванне.
Цяпер Дзіна з”яўляецца студэнткай пятага курса Беларускага педагагічнага універсітэта імя М.Танка па спецыяльнасці хімія-біялогія. Нягледзячы на сваю занятасць, знаходзіць час, каб займацца ў гуртку ўсходняга танца, а таксама заставацца актыўнай удзельніцай мастацкай самадзейнасці Раваніцкага сельскага Дома культуры. Сваё майстэрства яна передае ўдзельнікам танцавальнага гуртка клуба.
Тамара ЛАДУЦЬКА, мастацкі кіраўнік Раваніцкага СДК
