Паводле звестак райсельгасхарчу на раніцу ўчарашняга дня, сельгаспрадпрыемствы Чэрвеньшчыны пасеялі 14 тысяч 535 гектараў яравых зерневых культур, што складае 89,1 працэнта ад неабходнага.
Першымі завяршылі сяўбу яравых зерневых у ААТ «Валевачы» і «Краснадарскі», сельгаспрадпрыемстве «Ганута-Агра» і эксперыментальнай базе «Натальеўск».
Сумесным рашэннем упраўлення сельскай гаспадаркі і харчавання, раённай арганізацыі прафсаюза работнікаў аграпрамысловага комплексу пераможцамі спаборніцтва на веснавых палявых работах у перыяд з 18 па 24 красавіка ПРЫЗНАНЫ:
НА ПАДРЫХТОЎЦЫ ГЛЕБЫ — механізатар КСУП «Ганута-Агра» Сяргей Іванавіч ДЗЕНЯГУБ. На трактары «МТЗ-3022» з агрэгатам «АДН-6» ён падрыхтаваў 866 гектараў глебы. Заданне выканаў на 100 працэнтаў;
НА СЯЎБЕ — механізатар СВФ «Аграбуд» ААТ «Мінскжалезабетон» Мікалай Мікалаевіч РАЗГАНАЎ. На трактары «Кейс-310 — Амазонія» ён пасеяў 716 гектараў яравых. Заданне выканаў на 149 працэнтаў.
НА ЎНЯСЕННІ МІНЕРАЛЬНЫХ УГНАЕННЯЎ — механізатар ААТ «Лядзенскі» Уладзімір Мікалаевіч ЯКІМОВІЧ. На трактары «МТЗ-82» з агрэгатам «РДУ-1,5» ён унёс мінеральныя ўгнаенні на 2281 гектары. Заданне выканаў на 100 працэнтаў.
НА ЎНЯСЕННІ АРГАНІЧНЫХ УГНАЕННЯЎ — механізатар ААТ «Валевачы» Уладзімір Вікенцьевіч КРУК. На трактары «МТЗ-952» з агрэгатам «РПТ-7» ён унёс 3041 тону арганічных угнаенняў. Заданне выканаў на 111 працэнтаў.
Пераможцам раённага спаборніцтва ўручаны Удзячныя адрасы райсельгасхарчу, раённай арганізацыі прафсаюза работнікаў АПК, грашовыя прэміі ў памеры адной базавай велічыні за кошт сродкаў райкама прафсаюза і пераходныя чырвоныя сцяжкі.