Запрашаю на Велікапосныя рэкалекцыі

Общество

Працягваецца Вялікі пост, які распачаўся ў Папяльцовую сераду,  —  саракадзённы літургічны перыяд падрыхтоўкі да Велікодных святаў. Ён звязаны з пакаяннем і  асаблівым чынам прысвечаны разважанню над Мукай Пана. Узгадаем, што пакаянне ўключае, акрамя посту,  малітву і добрыя ўчынкі.

Традыцыйна падчас Вялікага посту ў нашай парафіі праводзяцца рэкалекцыі, інакш кажучы — духоўныя практыкаванні для вернікаў. Іх удзельнікі маюць магчымасць паразважаць над сваёю вераю, адносінамі да Бога і бліжніх, іншымі аспектамі рэлігійнага жыцця, паслухаць навучанне святара і прыступіць да споведзі. Сёлета рэкалекцыі правядзе айцец Юрый са Смалявіч.

Сардэчна запрашаю ўсіх, хто імкнецца да аднаўлення духоўнага жыцця, прыняць удзел у рэкалекцыях, якія адбудуцца 

ў Касцёле Узвышэння Святога Крыжа ў Чэрвені:                                    18 сакавіка (пятніца) — у 10.00 і 17.30;

                        19 сакавіка (субота) — у 10.00 і 17.30;

                        20 сакавіка (нядзеля) — у 10.00.

            У Смілавіцкай капліцы:

                        19 сакавіка (субота) — у 15.00;

                        20 сакавіка (нядзеля) — у 12.30.

Ксёндз Павел КРУЧЭК



Добавить комментарий

Ваш адрес email не будет опубликован. Обязательные поля помечены *