За мінулы год машынна-трактарны парк гаспадарак Чэрвеньшчыны папоўніўся 104 адзінкамі сельскагаспадарчай тэхнікі.
У прыватнасці, як распавёў намеснік начальніка райсельгасхарчу па механізацыі Аляксандр Баброўскі, летась набыта 27 трактароў (у тым ліку 19 — энерганасычаных) і столькі ж прычапных механізмаў. Гэта абаротныя плугі, дыскі, пасяўныя агрэгаты, прычэпы.
Таксама гаспадаркі набылі для ўборкі зерневых і дапрацоўкі збожжа 18 камбайнаў КЗС-1218, зернеачышчальную машыну і зернесушыльны комплекс, а яшчэ — некалькі адзінак кормаўборачнай і бульбаўборачнай тэхнікі, пагрузчыкаў і аўтамашын.
Паводле слоў Аляксандра Баброўскага, сёлета плануецца прадоўжыць тэхнічнае пераўзбраенне машынна-трактарнага парку сельгаспрадпрыемстваў раёна.
Ігар Адамовіч