Такую тэму мела лістападаўскае пасяджэнне нашага літаратурна-паэтычнага клуба «Ветразь», прысвечанае 80-м угодкам славутага беларускага пісьменніка.
Пра яго жыццё і творчасць распавяла бібліятэкар Алена Адамовіч. З цікавым паведамленнем выступіў старшыня клуба Уладзімір Дарагуж. Ён засяродзіў увагу на ўспамінах сяброў-пісьменнікаў пра Караткевіча, прыгадаў пра тое, якую ролю адыгрывала каханне ў жыцці мэтра беларускай літаратуры, як складваліся яго адносіны з тагачасным кіраўніцтвам ЦК КПБ…
Падчас пасяджэння гучалі вершы Уладзіміра Караткевіча, якія дэкламавалі Софія Гурына, Алена Адамовіч, Уладзімір Дарагуж, і песні на яго словы з фанатэкі старшыні клуба «Ветразь», дэманстраваліся фотаздымкі творцы.
Святлана ЖДАНОВІЧ,
загадчыца аддзела абслугоўвання і інфармацыі
Чэрвеньскай цэнтральнай раённай бібліятэкі